များစွာသော လေ့လာမှုတွေ အရ လူတစ်ဖက်သား ကို မကျေမနပ် ဖြစ်တာ၊ ရန်လိုတာ တွေက သွေးပေါင် ကို တက်စေတယ် လို့ တွေ့ခဲ့ပါတယ်။ အဲဒီလို မကျေမနပ် ဖြစ်မှုတွေ၊ ရန်လိုမှုတွေ အစား ခွင့်လွှတ် သည်းခံစိတ် ထားတာက စိတ်ဖိစီးမှု ကို လျော့နည်းစေပြီး နှလုံးကျန်းမာရေး ကို များစွာ အထောက်အကူ ဖြစ်စေပါတယ်။ စိတ်ဖိစီးမှု တွေဟာ စိတ်ပျက်မှု၊ နာကျင်ခံစားမှု စတာတွေကြောင့် ဖြစ်လာတဲ့ သင့် စိတ်ခံစားမှု တစ်ခုပါ။
တစ်စုံတစ်ရာ အကြောင်း တစ်ခုနဲ့ ပတ်သက်ပြီး လွဲမှားတာ၊ မှားယွင်းတာ စတာကို မေ့ မရတာ၊ ဖြေမဆည်နိုင်တာ တွေကို မေ့ဖျောက် မရ ဖြစ်နေတာက သင့်ကို နာကျင် ခံစားရစေပြီး သင့်အသည်းကို ၀န်ထုပ်ဝန်ပိုး အဖြစ် ၀န်ပိစေပါတယ်။ Mayo Clinic မှ ကောက်နုတ် ဖော်ပြချက် အရ သည်းခံ ခွင့်လွှတ်စိတ် ထားတာဟာ သင့်စိတ် ကို ငြိမ်းချမ်း စေနိုင်တယ် လို့ ဆိုပါတယ်။
တစ်စုံတစ်ယောက် အပေါ် သည်းခံ ခွင့်လွှတ်စိတ် ထားလိုက်တာ၊ အခြေအနေ တစ်ရပ် အပေါ် သည်းခံ နေထိုင်တတ်တာ ဟာ အရာရာကို ခွင့်လွှတ် သည်းခံစိတ် နဲ့ ကြည့်မြင် လိုက်တာကြောင့် သင့်စိတ်ကို အနားရစေ ပါတယ်။ ဒီလို မဟုတ်ဘဲ သင်ဟာ တစ်စုံတစ်ယောက် အပေါ် အငြိုးကြီးကြီး ထားပြီး ရှင်သန်နေမယ် ဆိုရင် သင့်စိတ်ကို လေးလံစေပြီး ၀န်ပိစေ ပါတယ်။ မက်ဆာချူးဆက် တက္ကသိုလ်က ပြုလုပ်တဲ့ လေ့လာမှု အရ ခွင့်လွှတ် သည်းခံစိတ် ထားတာကြောင့် သွေးပေါင် ကျဆင်းတာကို အမျိုးသမီးတွေမှာ သိသိသာသာ တွေ့ရပြီး အမျိုးသားတွေ မှာတော့ ထိရောက်မှု နည်းတာ တွေ့ရပါတယ်။ ဒါပေမဲ့ အငြိုးအတေး ကြီးကြီး နဲ့ ရန်လို အမုန်းပွားနေတာက သွေးဖိအား နဲ့ နှလုံးခုန်နှုန်း တွေကို တက်စေပြီး ကြွက်သားတွေကိုလည်း ကျုံ့စေတာကြောင့် နှလုံး တိုက်ခိုက်ခံရတာ၊ လေဖြတ်တာတွေကို ဖြစ်နိုင်ခြေ များစေပါတယ်။ ဒါကြောင့် ခွင့်လွှတ် သည်းခံစိတ် ထားနိုင်အောင် သင့် အနေနဲ့ လုပ်ဆောင်သင့်တဲ့ အချက် လေးချက် ရှိနေပါတယ်။ အဲဒါတွေက -
၁) သင်ဟာ တစ်စုံတစ်ဦး အပေါ်မှာ စိတ်ဆိုးတယ်၊ ဒေါသထွက်တယ်၊ စိတ်ထဲ ထိခိုက်ခံစား သွားရတယ် ဆိုရင် အဲဒီလူကို ဘာကြောင့် ဖြစ်ရတယ် ဆိုတဲ့ အကြောင်းကို သေချာ ပြောပြပြီး ပြေလည်မှု ရယူပါ။
၂) နားလည်မှု လွဲတာကြောင့် စိတ် အနှောင့်အယှက် ဖြစ်စရာ တစ်စုံတစ်ရာ ရှိတယ် ဆိုရင်လည်း တစ်ဦး နဲ့ တစ်ဦး နားလည်မှု ရှိအောင် ညှိယူဖို့ လိုပါတယ်။
၃) သင့်ကို တစ်ဖက်သားက စိတ်ဆိုး၊ စိတ်နာအောင် ပြုလုပ်မိတဲ့ အခါမျိုးမှာ သင့်ဘက်က တုန့်ပြန်မှု မှန်ကန်နိုင်အောင် တရားသဘော ကို ဆင်ခြင် ဆုံးဖြတ်နိုင်အောင် ကြိုးစားပါ။
၎) သည်းခံ ခွင့်လွှတ်မှု ကို တစ်ဖက်သား ဆီက မမျှော်လင့်ဘဲ သင့် ဘက်ကပဲ ပေးနိုင်အောင် ကြိုးစားပါ။
No comments:
Post a Comment